Shopify Flow

ელ. კომერციის ავტომატიზაცია არის პროგრამული უზრუნველყოფა, რომელიც შენს ბიზნესში არსებულ ამოცანებს, პროცესებს თუ კამპანიებს გარდაქმნის ავტომატიზებულ ქმედებებად, რომლებიც ზუსტად საჭირო დროს სრულდება. ასე ბიზნესებს შეუძლიათ არსებული რესურსებით მეტის მიღწევა.

პრობლემა მარტივია: ბიზნესის მასშტაბირებასთან ერთად, მოთხოვნები, სირთულეები და განმეორებითი ამოცანები იზრდება. სისტემები, რომლებიც ადრე მუშაობდა, არაეფექტური ხდება და ფერხდება. ამის საპასუხოდ, კომპანიები მიმართავენ შრომატევად ალტერნატივებს — მნიშვნელოვანი საქმეებისთვის გამიზნული დრო იხარჯება გადაუდებელ საკითხებზე, თუნდაც ეს უბრალოდ ღილაკებზე დაჭერა იყოს. ან კომპანიები ქირაობენ ახალ თანამშრომლებს. სამწუხაროდ, ადამიანების მასშტაბირება შეუძლებელია. თუმცა, ეს ადამიანების მნიშვნელობას არ აკნინებს — პირიქით, ხაზს უსვამს მას. ადამიანები და მათი უნარი, ფოკუსირდნენ საკვანძო აქტივობებზე და არა ისეთ ამოცანებზე, რომელთა შესრულება სამუშაო პროცესსაც შეუძლია, შენი ყველაზე ძლიერი რესურსია.

ელ. კომერციის ავტომატიზაცია შეიძლება სხვადასხვა ფორმით შეგვხვდეს, როგორიცაა მომხმარებლების მონიშვნა სეგმენტაციისა და მარკეტინგისთვის, პროდუქტების დამალვა და მარაგის ამოწურვისას ხელახალი შეკვეთის გაფორმება, ან მაღალი რისკის შეკვეთებისთვის თვალის დევნება და შეჩერება. თითოეულ სამუშაო პროცესს ერთი მიზანი აქვს: მისცეს მოვაჭრეებს საშუალება, ააწყონ სამუშაო პროცესი, რომელიც მათ ბიზნესს მასშტაბირებისთვის სჭირდება.

აქ მოცემულია რამდენიმე ყველაზე პოპულარული მაგალითი:

• მარაგების მართვა: გააუქმე ისეთი პროდუქტების გამოქვეყნება, რომლებიც მარაგში არ არის და გაუგზავნე Slack-ის შეტყობინება ან ელფოსტა მარკეტინგის გუნდს, რათა მათ შეაჩერონ რეკლამირება.
• თაღლითობის პრევენცია: გაგზავნე ელფოსტა 5 000 დოლარზე მეტი ღირებულების შეკვეთის გადასახედად მის შესრულებამდე, რადგან ეს არატიპურია მაღაზიისთვის.
• პროდუქტის შეფასება: უარყოფითი შეფასების გამოქვეყნებისას, ავტომატურად შექმენი მომხმარებელთა მხარდაჭერის მოთხოვნა და გაგზავნე Slack-ის შეტყობინება.
• ლოიალობა: დაარიცხე ლოიალობის ქულები და გაგზავნე სამადლობელი SMS, როდესაც მომხმარებელი მეორე შესყიდვას განახორციელებს.

Flow ეფუძნება მარტივ, კოდირების გარეშე მომუშავე „ტრიგერის, პირობის და მოქმედების“ ფორმატს. ძირითადად, „ტრიგერი“ არის მოვლენა, რომელსაც Flow ელოდება და რომელიც იწყებს ავტომატიზაციას, შემდეგ უნდა დაკმაყოფილდეს „პირობა“, ხოლო „მოქმედება“ არის ის ამოცანა, რომელიც სრულდება პირობის დაკმაყოფილებისას.

აი, როგორ შეიძლება გამოიყურებოდეს სამუშაო პროცესი, რომელიც ავტომატურად ამატებს მომხმარებელს შენი ლოიალობის პროგრამაში:

• ტრიგერი: განთავსდა შეკვეთა.
• პირობა: შეკვეთის ჯამი უნდა იყოს 500 დოლარი ან მეტი.
• მოქმედება: მომხმარებელს სისტემაში ენიჭება VIP სტატუსი.

ეს ძალიან მარტივია. დასაწყისისთვის, ჩამოტვირთე Flow ჩვენი აპლიკაციების მაღაზიიდან. შემდეგ, შეგიძლია გამოიყენო ჩვენი ერთ-ერთი (ან რამდენიმე) წინასწარ აწყობილი შაბლონი, რომელიც შექმნილია ბიზნესისთვის აუცილებელი ათობით საერთო ამოცანის ავტომატიზაციისთვის. ან დაიწყე საკუთარი სამუშაო პროცესების შექმნა შენი ბიზნესის წინაშე არსებული უნიკალური პრობლემების მოსაგვარებლად, რაშიც ჩვენი „ტრიგერის, პირობის და მოქმედების“ სამუშაო პროცესების შემქმნელი დაგეხმარება კოდირების ცოდნის გარეშე.

ამჟამად Flow-ს პლატფორმა მხოლოდ ინგლისურ ენაზეა ხელმისაწვდომი.